தமிழ் ஊசி

முகிலனுக்கு ஏன் வாய்ப்பு வழங்கப்படவில்லை.

2010-05-11T05:44:00.001-07:00

Hulu Selangor இடைத்தேர்தலில் நியாயமாக யாருக்கு அத்தொகுதியில் போட்டியிட வாய்ப்பு வழங்கி இருக்க வேண்டும்.

பழனிவேலு, முகிலன், மற்றும் கமலநாதன் பெயர்கள் ஆராயப்பட்ட்து.

1. பழனிவேலு.

பழனிவேலுக்கு நிச்சயமாக அத்தொகுதியில் போட்டியிட வாய்ப்பு கிடைக்காது என்பது எல்லோருக்கும் தெரியும். இதற்கு தனியாக அரசியல் அறிவு தேவை இல்லை.

பழனியின் பெயர் நிராகரிகப்பட்டப் பின் நியாயமாக முகிலனுக்குதான் இந்த வாய்ப்பு வழங்கி இருக்க வேண்டும். அப்படி நடக்க வில்லை.

ஏன் முகிலனுக்கு அந்த வாய்ப்பு வழங்கியிருக்க வேண்டும் ???

a. இன்று மா.இ.காவில் பதவியில் இருக்கும் பல இளைஞர்கள்(டி.மோகன்,முருகேசன், இன்னும் பலர்) மா.இ.காவில் உறுப்பியம் பெருவதற்கு முன்பே முகிலன் மா.இ. காவில் தன்னை இணைத்துக் கொண்டு கட்சியிலும் பொது சேவையிலும் ஈடுபட்டு வந்தார். கடந்த கடந்த தேர்தலில் எல்லாம் கட்சியும், கட்சி சார்ந்த தேசிய முன்ன்னி வெற்றி பெறவும் பாடு பட்டவர். Hulu Selangor தொகுதியில் பழனிக்கு பிறகு மா.இ.கா வில் அவருக்கு அடுத்த நிலையில் இருந்தவர் முகிலன்.

b. துணை பிரதமர் உள்ளூர்வாசிக்கே வாய்ப்பு வழங்கப் படும் என்று கூறியிருந்தார். அப்படி பார்க்கையில் முகிலனுக்கு தான் அந்த வாய்ப்பு வழங்க பட்டிருக்க வேண்டும்.

c. கமலநாதனை விட அதிகம் படித்த, நிர்வாக திறன், அரசியல் அனுபவம் கொண்டவர் முகிலன்.

d. இவை எல்லாவற்றையும் விட மிக முக்கியமானது, முகிலன் தமிழ் மொழி பற்றுக் கொண்டவர். இன்று மா. இ. கா வில் இருக்கும் இளைஞர்கள் பலருக்கும் தமிழ் மொழி பற்றும் மொழி அறிவும் கிடையாது. மா. இ. கா வில் துணை அமைச்சர் சரவனணுக்கு அடுத்து மொழி பற்றும் மொழி அறிவும் உடையவர் முகிலன். தமிழ் பள்ளியில் படிக்காமலும், தமிழ் மொழியை சரியாக பேச கூட தெரியாமலும் மா.இ.கா.வில் பதவி வகித்து வரும் இளைஞர்களுக்கு மத்தியில் முகிலன் மிக சிறந்த பேச்சாளரும் மொழி ஆற்றலும் உடையவர்.

பிறகு ஏன் முகிலனுக்கு வாய்ப்பு வழங்கப் படவில்லை.

a. மோகன். முகிலனுக்கு வாய்ப்பு வழங்கப் படாத்தற்கு மிக முக்கிய காரணம் டி. மோகன். முகிலன் இடைத் தேர்தலில் வென்று நாடாளுமன்ற உருப்பினர் ஆன பிறகு, ஏதாவது ஒரு அரசாங்க பதவி கிடைக்கும் பட்சத்தில் மோகன் இரண்டாம் நிலையாக கருதப் படுவார். ஒரு வேலை மந்திரி சபை மாற்றியமைக்கப் பட்டால், வெற்றி பெற்ற முகிலனுக்கு அதில் இடம் கிடைக்கவும் வாய்ப்பு உண்டு. குறந்த பட்சம் நாடாளுமன்ற செயலாளர் பதவியாவது.

b. முகிலனுக்கு முக்கியத்துவம் கொடுக்கும் போது மெல்ல மோகன் பின்னுக்கு தள்ளப்படுவார். ஒரு வேலை விக்னேஸ்வரன் போல் மா.இ.கா.வில் இருந்து காணாமல் போனாலும் போகலாம்.

c. சாமிவேலுக்கு ஏன் மோகன் மீது இவ்வளவு பாசம். இருக்காதா பின்னே. டி.மோகன் சாமிவேலுவின் சொந்த அத்தை மகன். ஒரு சாதி கார்ர்கள்.

d. அம்னோகார்ர்கள் முகிலன் பெயரை தான் சொன்னார்கள். நான் கடைசி வரை முகிலனுக்கு அந்த வாய்ப்பு வழங்க கூடாது என்பதில் உறுதியாக இருந்தேன். சுபாங் தொகுதியில் போட்டியிட்டு தோல்வி கண்ட முருகேசன் பெயரை சொன்னேன். கடைசியாகத்தான் கமலநாதன் என்று முடிவாகியது என்று சாமி ஆங்கில இணைய பக்கத்திற்கு பக்கத்தில் சோதிநாதனை வைத்துக் கொண்டு சொன்னார்.

e. முகிலன் செல்வாக்கு பெற்றால், மோகன் மெல்ல ஓரங்கட்டப் படுவார் என்ற ஒரே காரணத்துக்காக, தன் அத்தை மகனின் அரசியல் வாழ்வு பாதிக்கும் என ஒரே காரணத்துக்காக முகிலனுக்கு அந்த வாய்ப்பு வழங்கப் படவில்லை.

இந்த கட்டுரை எழுதியதால், நான் முகிலன் ஆதரவாளர் என்று பொருள் கிடையாது. ஏன் முகிலனுக்கு இந்த வாய்ப்பு வழங்ப்பட வில்லை என்பதுதான் என் கட்டுரை.

ஐய்யோ !!! தமிழ் பள்ளியா ????

2010-03-22T05:37:00.000-07:00

எனக்கு மிகவும் நெருங்கிய நண்பர், என்னைவிட வயதில் மூத்தவர், நெடு நாட்களுக்கு பிறகு சமீபத்தில் சந்தித்தேன். சராமாரியான விசாரிப்பு கேள்விகள். எப்படி இருக்கிறாய்,எங்கு இருக்கிறாய், என்ன செய்கிறாய் இப்படி ஆயிரம் கேள்விகள்.

பிறகு நான் அவர் குடுப்பத்தைப் பற்றி கேட்டேன். பெருமையாய் சொன்னார். அவர் மகள் பெங்களூரில் டாக்டருக்கு படிப்பதாக சொன்னார். SPM-இல் 12A-க்கள் எடுத்ததாக சொன்னார். நான் மிகுந்த சந்தோசத்தில் தமிழ் மொழிபாடம் மற்றும் தமிழ் இலக்கியப் பாடம் இரண்டிலும் A-வா என்று கேட்டேன். அதற்கு அவர் சொன்ன பதில் எனக்கு மின்சாரம் தாக்கியது போல் இருந்தது.

அவர் என்னிடம் கேட்டார், டாக்டருக்கு படிக்க போகும் பெண்ணை தமிழ் படிக்க சொல்கிறாயா என்றார். இத்தனைக்கும் அவர் ஒரு தமிழ் பள்ளி ஆசிரியர். இன்னும் சிறிது காலத்தில் துணைத் தலைமை ஆசிரியர் ஆகப் போகிறவர். அப்போதுதான் இன்னொரு அதிர்ச்சியான சேய்தியும் சொன்னார், அவரின் மூன்று பிள்ளைகளையும் தமிழ் பள்ளிக்கு அனுப்பவில்லை என்று ......

ஆ .... எனக்கு மயக்கம் வராத குறைதான்.... டாக்டருக்கு படிப்பவர்கள் தமிழ் படிக்கக்கூடாது என்கிற ஐதீகம் அன்றுதான் எனக்கு தெரிந்தது. மேலும் தமிழ் பள்ளி ஆசிரியராக இருப்பவர்கள் பல ஆசாமிகள் தங்கள் பிள்ளைகளை பிற மொழி பள்ளிகளுக்கு அனுப்பும் சூட்சமும் அன்றுதான் உணர்ந்தேன்.

அந்த நேரத்தில் எனக்கு மற்றொரு நண்பர் நினவுக்கு வந்தார். அவர் பெயர் ஏழுமலை. படிக்காதவர். டாக்சி ஓட்டுகிறார். அவர் மகன் பெயர் ஜகநாதன். மலாயா பல்கலைகழகத்தில் இரண்டாம் ஆண்டு டாக்டருக்கு படிக்கிறார். இந்த ஜகநாதன் SPM நிலையில் தமிழ் மொழி மற்றும் தமிழ் இலக்கியம் இரண்டு பாடத்திலும் A1 எடுத்தார்.

படிக்காத என் நண்பரின் மகன் எல்லா தேர்விலும் தமிழைத் தேர்வு பாடமாக எடுத்து சிறந்த மதிப்பெண் பெற்று இன்று மலாயா பல்கலைக்கழகத்தில் மருத்துவம் பயின்று வருகிறார்.

மெத்தப் படித்த என் இன்னொறு நண்பர் அதுவும் தமிழ் பள்ளி ஆசிரியர் தன் பிள்ளைக்ளுக்கு தமிழ் அறிவை கொடுக்காமலும் தமிழால் வருமானம் பெற்றும் வருகிறார் ....

2009-இல் நான் ரசித்த 10 படங்கள்.

2010-01-20T01:40:00.000-08:00

1. பசங்க - தமிழில் சிறுவர்களுக்கான படங்கள் வருவது மிக சொற்பம். எனக்கு தெரிந்து மை டியர் குட்டிசாத்தான், அஞ்சலி, நீண்ட இடைவெளிக்கு பிறகு இப்போது பசங்க. சிறுவர்களை வைத்து கூத்தடிக்காமல் ... சிறுவர்களின் உலகில் புகுந்து எல்லோரும் ஆசைபடும்படி ஒரு படம். இயக்குனர் பாண்டிராஜ்கு ஒரு மிக பெரிய பூச்செண்டு..... சபாஷ்.......

2. நான் கடவுள் - இது படமே இல்லை ...ஆழ்ந்து படிக்க வேண்டிய மிக பெரிய நாவல். அன்பே சிவம், கற்றது தமிழ் போன்று ஆராய்ச்சிக்கு உரிய படம். பாலா மட்டும் ஐரோப்பிய சினிமா எடுக்க போயிருந்தால், உலக சினிமாவையே மாற்றி இருப்பார். லேட் பண்ணாமல் இதே போல் இன்னொரு படமும் கொடுத்துவிடுங்கள்.

3. ஈரம் - தமிழ் சினிமா அடுத்த கட்டத்திற்கு மாறி வருகிறது என்பதற்கு இப்படம் ஒரு சான்று.... இது ஒரு பேய் படம் ... ஆனால் வழக்கமான பேய் படத்திற்கு உரிய எந்த காட்சியும் இல்லாமல் மிக தெளிவாக விறுவிறுப்பாக நகரும் திரைகதை....

4. உன்னைப் போல் ஒருவன் - இது கமல் படம் என்பதை விட மோகன்லால் படம் என்று சொல்வதே சிறப்பு. அந்த அளவுக்கு மோகன் லாலின் நடிப்பு. ஆத்திரத்தில் அவர் முகசதை கூட ஆடுகிறது. - கமல் - இந்திய சினிமாவில் உன்னை போல் யார் உண்டு..?

5. வெண்ணிலா கபடி குழு - கோடி கோடியாய் கொட்டி நம்மை துன்புருத்தும் சினிமாகளுக்கு நடுவே மென்மையான கதை, மனம் விட்டு சிரிக்க தூண்டும் நகைசுவை .... (இருந்தாலும் கதாநாயகனைச் சாகடித்திருக்க வேண்டிய அவசியமே இல்லை)

6. காதல் கதை - சினிமாவில் நல்ல சினிமா கெட்ட சினிமா என்று எதுவும் இல்லை. பார்க்கும் நம் கருத்துக்கு உட்பட்டது. என்ன சொல்ல வேண்டுமோ அதை, அந்த கதைக்கு தேவையான காட்சிகளை மிக தைரியமாக சொன்ன திரு. வேலு பிரபாகரன் அவர்களுக்கு ஒரு கைத்தட்டல்.....

7. நாடோடிகள் - இதுவரை காதலை சேர்த்து வைக்கும் படத்தைதான் தமிழ் சினிமாவில் பார்த்து வந்தோம். முதல் முறையாக எந்த ஹீரோயிசமும் இல்லாமல் காதலுக்காக நண்பர்களின் கதையை பார்த்தோம்.

8. திறு திறு துறு துறு - சம்பந்தமே இல்லாத சண்டை காட்சிகள், குடும்பத்தோடு பார்க்க முடியாத பாடல் காட்சிகள் என நமக்கு சலித்து போன திரைகதைகளைத் தாண்டி ..... ஒரு நல்ல படம் அதுவும் குடும்பத்தோடு பார்த்து சிரிக்க ஒரு படம்.(தமிழில் இப்போதெல்லாம் நகைச்சுவை படங்கள் குறைந்துக் கொண்டே வருகிறது).

9. மதுரை To தேனி - பட்டென்று கதை ஆரம்பித்து ... பட்டென்று பேருந்தில் பயணித்து ...... பட்டென்று பஞ்ஞாயத்து ஆரம்பித்து ......... பட்டென்று திருமணம் ஆகி .... பட்டென்று கதை முடிந்து விடுகிறது ..... பிரமாண்டம் என்கிறார்கள், ஹீரோ ஓப்பனிங் என்கிறார்கள், ஹீரோயின் கவர்ச்சி என்கிறார்கள் ... இந்த படம் பாருங்கள் ..... இப்படியும் படம் எடுக்கலாம் என்பதற்கு உதாரணம்.

10. லாடம் - சில ஓட்டைகள் இருந்தாலும் ..... என்னடா படம் இது என்று இல்லாமல் .... அடுத்து என்ன நடக்கும் ... என்ன நடக்கும் என்று நமக்கு ஆர்வத்தை அதிகரிக்கும் படம்.... Simply Super என்பார்களே ... அப்படி ஒரு படம்....

பி.கு.

இதுவும் நல்ல படம் தான்

1. குங்கும பூவும் கொஞ்சும் புறாவும்.(வாழ்த்துகள்)

2. யாவரும் நலம்(பி.சி.ஸ்ரீராமுக்கு ஒரு ஸ்பெஷல் பூச்செண்டு)

3. பேரான்மை(சத்யராஜ்,சரத்குமார் போன்ற Heavy நடிகர்கள் நடிக்க வேண்டிய படம்)

4. மாயாண்டி குடும்பத்தார்.(சிரியல் போல் கொஞ்சம் ஓவரோ?)

குட்டு விழும் 10 படங்கள்

2010-01-20T01:07:00.000-08:00

1. வில்லு - ச்சபா ............... என்னத்த சொல்ல .........

2. பெருமாள் - 'என்ன கூத்து காட்றிங்க' என்கிற ரகம் படம். இந்த லட்சணத்தில் நிர்வாண காட்சி வேறு .......

3. மரியாதை - ஒரு காலத்தில் விஜயகாந்த் நல்ல நடிகராகத்தான் இருந்தார். இன்னும் அப்படியே நினைத்துக்கொண்டிருந்தால் எப்படி? முகவாகும் உடல்வாகும் இப்போதைய சினிமாவுக்கு ஒத்து வரவில்லையே ...

4. ராஜாதி ராஜா - கத்திக் கொண்டே கவர்ச்சி காட்டும் வில்லி. இரண்டு கதாநாயகிகள். தப்பு செய்கிற அண்ணன்களைத் திருத்துகிற தம்பி இதற்கு மேல் சொல்ல எதுவும் இல்லை.

5. 1977 - அருமையான ஜேம்ஸ் பாண்ட் கதையை டி.ராஜேந்தர் இயக்கத்தில் பார்த்த காமேடி.

6. கந்தசாமி - தமிழ் சினிமாவில் இதுவரை யாரும் சொல்லாத ஒரு களம். உலக சினிமாவே திரும்பி பார்க்கிற ஒரு பிரமாண்ட தயாரிப்பு.

7. ஆறுமுகம் - மிஸ்டர் சுரேஸ் கிருஷ்ணா! ரீ மேக் என்று சொல்லுவார்களே தெரியுமா? தெரியாது என்றால் உங்கள் படத்தை நீங்களே ஒரு முறை பாருங்கள்.

8. நான் அவன் இல்லை 2 - நீங்கள் யாருக்காவது பில்லி சூனியம் செய்ய வேண்டும் என்றால் இந்த படத்தை வாங்கி அனுப்பினால் போதும்.... பைத்தியம் பிடித்து சாவார்கள்

9. இந்திர விழா - அமரன் படம் கொடுத்த இயக்குனர் ஆயிற்றே என்கிற ஆர்வத்தில் படத்தை பார்த்துவிடாதீர்கள்.

10. படிக்காதவன் - ரூம் போட்டு யோசிப்பாய்ங்களோ ..............

பி.கு.

மிக பெரிய சந்தோசம்.

1. டி.ராஜேந்தர் மற்றும் எஸ்.ஏ. சந்திரசேகரும் படம் எதுவும் எடுத்து நமக்கு சோதனைகளையும் கொடுமைகளையும் செய்யாமல் போனதற்கு.

2. அதைவிட சந்தோசம்....

ஏற்கனவே கடுப்பில் இருக்கும் நமக்கு புளியின் ஓசை, ஓசையில் புளி என்று எந்த மனநோய் வியாதியும் கொடுக்காமல் போனதற்கு .....

இந்த வார கேள்வி

2009-11-07T17:55:00.000-08:00

மா.இ.கா. இளைஞர் பிரிவு தலைவர் மோகனிடம் ஒரு கேள்வி.

எதிர்கட்சி இந்திய நாடளுமன்ற உறுப்பினர்கள் திடிர் பணக்காரர்கள் ஆகி விட்டார்கள். பங்களா வீடு, சொகுசு கார்கள் என்று exclusive-ஆக வாழ்கிறார்கள் என்று கூறியிருக்கிறீர்கள்.

இந்த 6 வருடங்களில் உங்களின் அபார வளர்ச்சி எத்தனை பேருக்கு தெரியும். உங்களுடைய பழைய வீடும் தற்போதைய புதிய பங்களாவும் எல்லோருக்கும் தெரியுமா? உங்கள்டைய புதிய கார் பற்றி தெரியுமா ....? உங்கள் தம்பி D.A.P டி.கண்ணன் என்பது எல்லோருக்கும் தெரியுமா...? உங்கள் தம்பி லிம் கியட் சியங்கின் செயலாளர் என்பது எத்தனை பேருக்கும் தெரியும் ....? உங்கள் தம்பி D.A.P சார்ப்பில் Kg.Tungku PJ தொகுதியில் நின்று தோற்று போனது எத்தனை பேருக்கு தெரியும் .....?

மக்களுக்கு சேவை செய்ய வேண்டும் என்ற எண்ணத்திலா நீங்கள் மா.இ.கா.வில் இணைந்தீர்கள்...?

இந்த வார கோபம்

2009-11-07T17:35:00.000-08:00

கோபம் 1. ஆற்று பாலம் விழுந்து 3 சிறுமிகள் பலி. துயர சம்பவம் நடந்த பின்னரே அதற்கான காரணம்,விசாரணை,மாநில தேசிய அளவிலான விசாரணை என அமர்களபடுவது வாடிக்கையும் வேடிக்கையும் ஆகிவிட்டது. இம்மூன்று குடும்பத்தினருக்கு யார் பொறுப்பான பதில் சொல்வது.

கோபம் 2. கடந்த பொது தேர்தலில் அதிகமான இந்தியர்கள் எதிகட்சிசார்பாக வெற்றிபெற்று நாடாளுமன்ற உறுப்பினர் ஆனார்கள். இவர்கள் ம.இ.காவை போல் அல்லாமல் உண்மையான சமுதாயத்திற்கு சேவை செய்ய போவதாக உறுதி சொன்னார்கள். 20 இந்திய எம்.பி.கள் கொண்ட குழு எம்.ஐ.இ.டி. பற்றி விசாரிப்பதற்கு மா.இ.கா கட்டடத்திற்கு போக போவதாக சொன்னார்கள். ஆனால் ஒரே ஒரு இந்திய எம்.பி. மட்டும் போய் நமக்கு கோபத்தை உண்டு செய்திருக்கிறார்கள். உள்ளூரில் உள்ள வாய் சவடால் பேசும் சந்தியாகோ,மணிவாசகம்,மாணிக்கவாசகம்,குலசேகரன் இன்னும் பலர் ஆதவன் படம் பார்க்க போய் விட்டார்களா என்ன?

கோபம் 3. இந்திய தூதரகம் தொட்ங்கிய கலை கலாச்சார மன்ற விழாவில் நிறைய தமிழர்கள் முகம். தொடக்கி வைத்தது அமைச்சர் கோகிலன் பிள்ளை. தமிழர் உணர்வுகளை எப்போதும் இந்தியாவும் சரி இந்திய தூதரகங்களும் சரி மதிப்பதில்லை. அனால் இங்குள்ள தமிழர்கள் இந்திய தூதரக அதிகாரிகள் என்றால் தலையில் தூக்கி வைத்து ஆடுவார்கள். சில மாதகளுக்கு முன்பு இதே தூதரகம் முன் ஈழ தமிழர்களுக்காக மறியல் செய்ததை எல்லாம் மறந்து விட்டனர் தமிழர்கள்.

இந்த வார ஜாலி

2009-10-28T19:16:00.000-07:00

நேசா தங்களை ஏமாற்றி விட்டதாக நேசா பங்குதாரர்கள் தமிழ் பத்திரிக்கையில் அழுத்திருக்கிறார்கள் .... இது மிகவும் ஜாலியான ஒரு கதை ... மைக்கா ஹொல்டிங்ஸ் பற்றி அவர்களும் நேசா பற்றி இவர்களும் சொல்லும் கதைகள் மிகவும் சுவரசியமாக உள்ளன. இது மேலும் தொடர என் ஆவல்கள். இது போல பல கூட்டறவு சங்கங்கள் நிலையும் இதுதான். இதன் கூத்துகளையும் பிரசுரித்தால் இன்னும் ஜாலியான இருக்கும். குறிப்பாக சாமிவேலுவின் கே.பி.ஜே. இதில் தேசிய நிலநிதி கூட்டறவு மற்றும் தொழிலாளர் கூட்டறவு நாணய சங்கம் இரண்டையும் சேர்த்துக்கொள்ளாதீர்கள்..... இவ்விரண்டு கூட்டறவு சங்கங்களும் நமக்கு முடிந்த மட்டில் நன்மை செய்து வருகிறது. இவ்விரண்டு சங்கங்களுக்கும் நமது வாழ்த்துக்களும் வணக்கமும்.

இந்த வார குட்டு

2009-10-17T03:08:00.000-07:00

எல்லா தமிழ் தினசரிகளுக்கும் இந்த வார பலமான குட்டு. நான் எப்பவாது தமிழ் பத்திரிக்கைகளைக் குறை சொல்லிவிட்டால் என் மீது கடுப்பாகி விடுகிறார்கள். நேற்று மூன்று தமிழ் தினசரி வாங்கினேன்(திபாவளி என்பதால்). ஒரு பக்கத்தில் கூட முழவதுமாய் செய்தி கிடையாது. இந்த தலைவர் வாழ்த்து செய்தி, அந்த தலைவர் வாழ்த்து செய்தி, தலைவர் அல்லாதவர் வாழ்த்து செய்தி, வாரியத்தலைவர் வாழ்த்து செய்தி, வாரியம் அல்லாத தலைவர் வாழ்த்து செய்தி,விளம்பரங்கள்,தொலைகாட்சி வானொலி நிகழ்ச்சிநிரல்,சினிமா செய்தி,தமிழ் நாடு அரசியல் செய்தி..... இதில் தமிழ் பத்திரிக்கை வாங்க வில்லை என்றால் முகத்தில் குத்துவது போல் பேசுவது. தயவு செய்து உங்கள் எல்லா பணிகளுக்கும் நடுவில் செய்திகளையும் போடுங்கள்..... இந்த நிலை மாறும் நிலை என்று வரும்(உபயம்: உன்னை போல் ஒருவன்). அதுவரை இந்த தீபாவளி சிறப்பு குட்டு...

இந்த வார பாராட்டு.

2009-10-12T09:28:00.000-07:00

இந்த வார பாராட்டு நமது பிரதமர் நஜிப் துன் ரசாக் அவர்களுக்கே. 'இந்திய மக்களின் தேவைகளையைப் பூர்த்தி செய்வதில் மா.இ.கா வெற்றி அடைந்துள்ளது என்று சொல்ல மாட்டேன்.' என்று பகிரங்கமாக மேடையில் தெளிவாக சொன்னதற்கு.

மஇகாவில் ஒரு நாடகம் நடக்குது எலேலங் கிளியே

2009-07-26T01:47:00.000-07:00

இப்போது மாஇகாவில் நடக்கும் நாடகத்தைப் பற்றி சில கேள்விகள் சில பதில்கள்.
கேள்வி ஒன்று : சாமிவேலுவும் சோதி நாதனும் மிக நெருக்கமானவர்கள். எப்படி? சாமிவேலுவின் தம்பி மறைந்த பழனிவேலுவின் மனைவின் தம்பிதான் இந்த தெலோக் கேமாங் சோதிநாதன். சில வருடங்களுக்கு சாமிவேலுவின் அரசியல் செயலாளராகவும் சோதி இருந்துள்ளார். சாமிவேலு எது சொன்னாலும் சோதி கேட்பார், சோதி எது சொன்னாலும் சாமி கேட்பார்.

கேள்வி இரண்டு: பிறகு ஏன் மஇகாவில் சர்சைகள், துரோகி போன்ற வார்த்தைகள். சாமிக்கும் சோதிக்கும் சண்டை? சண்டை ஏதும் இல்லை. நடக்க போகும் ம இ கா தேர்தலுக்கு நடக்கும் நாடகம். எப்படி? சாமிவேலுவின் நேரடி ஆதரவை பெற்ற பழனிவேலுவை சுப்ரா எதிர்கிறார். சாமிவேலு மீது வெறுப்பில் உள்ள கோஷ்டிகள் சுப்ராவிற்கு ஓட்டு போடுவார்கள். சோதியை சாமிவேலுவின் எதிர்ப்பாக காட்டினால் சுப்ராவிற்கு விழும் ஓட்டுகள் சோதிக்கு போகும். அடுத்து சோதிக்கு ஓட்டு போட்ட சாமிக்கு எதிர்ப்பான கோஷ்டிகளை மெல்ல வெட்டி எடுப்பார்கள்.
பிறகு ஏன் பழனிவேலுவை சாமி தேர்தலில் நிறுத்த வேண்டும்? வேறு எதற்கு சாமிக்கு உண்மையான ஆதரவு யார், எதிர்ப்பு யார் என தெரிந்து கொள்வதற்கு தான்.

உண்மையான லைன் ஆப் இதுதான். தலைவர் சோதிநாதன். துணைத்தலைவர் வேள்பாரி. உதவி தலைவர்கள் தேவமணி,சரவணன் மற்றும் ஏனைய ஒருவர்.

இந்த தேர்தலில் சோதி வெற்றி பெற்றால் அடுத்த தலைமை மாற்றம் மேல் சொன்னபடிதான்.

மா இ கா நீண்ட பாரம்பரிய கட்சி. சுதந்திர கால கட்சி. அரசாங்கத்தில் இந்தியர்களை பிரதிநிதிக்கும் ஒரே இந்தியர் கட்சி.

இன்று உள்ள ம இ கா தலைவர்களை அகற்ற வேண்டுமே தவிர, கட்சியை எதிர்ப்பது அல்ல. இதற்க்கு யாரவது வழி சொல்வார்களா?

இந்த வார காமெடி

2009-06-19T22:43:00.000-07:00

பாரிசான் நேஷனலுக்கு ஓட்டு போட்டால் சொர்கத்ததுக்கு போகலாம். - துணைபிரதமரின் செய்தி. ......... சொர்கத்துக்கும் போகலாம்.

உலகமும் தமிழ் ஈழ விடுதலை புலிகளும்.

2009-06-04T02:10:00.000-07:00

தமிழ் ஈழ விடுதலைபுலிகள் யார்? அவர்களின் நிலை என்ன? என்பதனை நாம் முழுமையாக புரிந்து கொள்ள வேண்டும். அவ்வபோது நடக்கும் உலக மாற்றங்கள் தமிழ் ஈழ விடுதலை புலிகள் மீது எவ்வாறு திணிக்கப்படுகிறது என்பதனையும் நாம் புரிந்துக் கொள்வது அவசியம்.

தமிழ் ஈழ விடுதலை புலிகள் இயக்கம் தீவிரவாத இயக்கம் என்று சில பலர்(சில தமிழர்கள் உட்பட) பேசி வருகிறார்கள். சில நாடுகள் அவ்வியக்கத்திற்கு தடையும் விதித்துள்ளது. தமிழ் ஈழ விடுதலை புலிகள் நிச்சயமாக தீவிரவாதிகள் அல்ல. ஏன்? சில உலக உதாரணங்களைப் பார்ப்போம்.

மனிதர்கள் எழுத்து முறையில் ஆவணங்கள் விட்டு சென்ற காலம் முதல், இழந்த தேசத்தை மீட்பதற்கும், ஆட்சி அதிகாரம் கொள்வதற்கும், ஆட்சி அதிகார நிர்வாகத்தை நீக்குவதற்கும் ஒரு நாட்டையோ,மண்ணையோ, தன் பிடிக்குள் கொண்டு வருவதற்கு போர் முறையையே தங்கள் வழியாக கடைபிடித்து வந்திருக்கிறார்கள். இரண்டாம் உலக போருக்கு பிறகு இந்த போர் முறையில் சில மாற்றங்கள் நடந்தது. இந்தியா முதல் முறையாக போர் முறையில் அல்லாமல் பேச்சுவார்தைகளின் மூலம் இழந்த தன் நாட்டு நிர்வாகத்தை ஆட்சி அதிகார வர்கத்திடமிருந்து மீட்டெடுத்தது. இந்த வழிமுறையைப் பின் பற்றி இன்னும் சில நாடுகள் பேச்சுவார்தைகளின் வழி தங்கள் நாடுகளை மீட்டெடுத்தது. உதாரணத்திற்கு மலேசியா,இந்தோனசியா,பர்மா இன்னும் சில நாடுகள்.

மலேசியாவுடன் இணைந்திருந்த சிங்கப்பூரில் அன்று கம்னியூஸ்டுக்கள் ஆயுத போரில் ஈடுபட்டு வந்தார்கள். பிரச்சனைகளை மேலும் வளர்க்க விரும்பாத, கம்னியூஸ்டுகளின் சிக்கல்கள் மேலும் வளராமல் இருப்பதற்காக அன்றைய மலேசியா பிரதமர் துங்கு அப்தூல் ரகுமான் சிங்கபூரை கம்னியூஸ்டுகளுக்கு பிரித்து கொடுத்தார். இந்தியா சுயராஜ்யம் பெரும்போது வடகத்திய முஸ்லிம்கள் இந்தியர்களோடு சேர்ந்து வாழ முடியாத சூழல் ஏற்பட்ட போது, கலவரங்களை ஏற்படுத்தி பாக்கிஸ்தானாக பிரிந்து சென்றார்கள். பிறகு பக்கிஸ்தானை இரண்டாக உடைக்கும் போது இந்தியாவின் உதவியோடு போர் முறையில் பங்களதேஷாக உருவானது.

இது இப்படி இருக்க, கம்னியூஸ்டுகளை ஒடுக்க சம்பந்தமே இல்லாமல் அமெரிக்கா வியாட்நாமுக்குள் புகுந்து போர் முறையைக் கையாண்டது. இதே போல் சதாம் உசேன் என்கிற ஆட்சியாளரை நீக்க ஈரக்கிலும், தலிபான் ஆட்சியாளர்களை ஒழிக்க ஆப்கானிலும் அமெரிக்கா மற்றும் சில உலக நாடுகள் புகுந்து போர் முறையை கையாண்டது.

பிரட்டனிடம் இழந்த தேசத்தை மீட்க காந்தி பேச்சு வார்த்தை முறையைத் தேர்ந்தெடுத்தார். ஆனால் சுபாஸ் சந்திர போஸ் போர் முறையை தேர்ந்தெடுத்தார். இருவருமே தியாகிகள். போராட்டவாதிகள். பகத் சிங், வாஞ்சிநாதன் போன்றவர்கள் அன்றைய ஆட்சியாளர்களால் குற்றவாளிகள் என்றே கூறப்பட்டனர்.

சுய ராஜ்யம் பெற, இழந்த தேசத்தை மீட்க, புதிய அரசாங்கம் தோற்றுவிப்பதற்கு இரண்டு வழி முறைகள் இந்த உலகத்தில் இருந்து வருகிறது. இந்த இரு வழிமுறைகளில் தமிழ் ஈழ விடுதலை புலிகள் தேர்ந்தெத்த்து போர் முறை.

சுய நிர்வாகத்தை கொண்டு தன் மக்களுக்கு வளமான, செழிப்பான உயர்ந்த வாழ்க்கை தரத்தை அளிப்பதற்கு தமிழ் ஈழ விடுதலை புலிகளுக்கு ஒரு நாடு தேவையாக இருக்கிறது. யாருக்கும் அஞ்ஞாத, அடிமையில்லாத ஒரு நாடு. அந்த நாட்டை அடைவதற்கு அவர்கள் தேர்தெடுத்த வழி போர் முறை.

ஆகவே தமிழ் ஈழ விடுதலை புலிகள் சுதந்திர போராட்ட வீரர்கள். தீவிரவாதிகள் அல்ல. தீவிரவாதிகள் என்று சொல்லி வருவது வரலாற்று பிழை.

அது எப்படி ஒரு நாட்டை பிரித்து கொடுப்பது? நிலையான ஒரு அரசாங்கம் உள்ள போது எதற்காக ஒரு நாட்டை பிரித்து கொடுக்க வேண்டும்? பொதுவாக எல்லோரும் கேட்கும் ஒரு கேள்வி. குறிப்பாக இந்தியா. ஏன் பிரித்து கொடுக்க கூடாது? இதற்கான பதில்

இந்தியாவுக்குள் வாழ முடியாது. வடகத்திய முஸ்லிம்களுக்கென்று ஒரு தனி நாடு வேண்டும் என்ற போது, இந்தியா உடைந்து பாக்கிஸ்தான் என்கிற நாடு உருவாகவில்லையா? பாக்கிஸ்தானாக வாழ முடியாது என்கிற நிலை வந்தபோது பங்கள்தேஷ் என்கிற நாடு உருவானது. கம்னியூஸம்தான் வேண்டும் என்ற போது சிங்கபூர் உருவானது. இந்தோனீசியர்கள் வேறு திமோர் லெஸ்தே வேறு என்றபோது, திமோர் லெஸ்தே தனி நாடாக உருவானது.

சோவியத் யூனியன் உடைந்து பல குட்டி நாடுகள் உருவானது. இப்படி கால மாற்றத்திற்கும் ஆட்சியாளர்கள் போக்குக்கும் ஏற்றவாறு தனி நாடுகளும் நாட்டின் எல்லைகளும் மாற்றியமைக்கப்பட்டன. பெருவாரியான ஆசிய நாடுகளின் எல்லை பிரிடிஷ் ஆட்சியாளர்களால் உருவக்கப்பட்டவை. ஆகவே நாடுகளின் எல்லையும் தனி நாடு உருவாதும் மறுபருசீலனைக்கு உட்பட்ட்தே. இதன் அடிப்படையில் இலங்கை நாட்டிலிருந்து தமிழ் ஈழம் பிரிந்து தனி நாடு உருவாவது ஒன்றும் தவறோ பாவமோ இல்லை. இது காலத்தின் கட்டாயம்.

மக்கள் விறும்பும் ஆட்சியாளர்களே மக்களை ஆள வேண்டும் என்பது என்பது ஞனநாயகம். மக்களாட்சி. இலங்கை தமிழர்கள் சிங்கள ஆட்சியாளர்களின் கீழ் வாழ முடியாது என்கிற மன நிலையில் உள்ளார்கள். அதானால் வேறு ஒரு வழிமுறையும் கையாளலாம். சிங்கள ஆட்சியாளர்களின் கீழ் வாழ வேண்டுமா? அல்லது தனி நாடு வேண்டுமா? என்று தேர்தல் வாக்களிப்பு போல் நடத்தி அதன் முடிவுக்கு ஏற்றவாறு செயல்படலாம். மக்களை மக்களே ஆள வேண்டும் என்பது ஞனநாயக மரபு.

இனி உலக அரசியல் மாற்றங்கள் தமிழ் ஈழ விடுதலை புலிகள் மீது எவ்வாறு திணிக்கப்பட்ட்து என்பதனைப் பார்ப்போம். இரண்டாம் உலக போருக்கு பிறகு அமெரிக்காவின் ஒரே எதிரி சோவியத் யூனியன். சோவியத்தின் ராணுவ மற்றும் விஞ்ஞான வளர்ச்சியை கண்டு அமெரிக்கா மிகவும் பயந்தது. அமெரிக்காவுக்கும் சோவியத் யூனியனுக்கும் பனிபோர் நடந்துக் கொண்டிருந்தது. இக்கால கட்டத்தில் சோவியத் யூனியனுக்கு நெருங்கிய நண்பனாக இந்தியா விளங்கியது. ஏறத்தால தம்பி போல். ஆகவே அமெரிக்காவுக்கு இந்தியாவும் எதிரியானது. சோவியத் யூனியனுக்கும் அமெரிக்காவுக்கும் சண்டை மூளும் பட்சத்தில் இந்தியா சோவியத்க்கு ஆதரவாக களத்தில் இறங்கும். அக்காலத்தில் ஆசியாவிலே மிகப் பெரிய ராணுவ நாடாக இந்தியா விளங்கியது.

ஆபத்தான காலத்தில் இந்தியாவை சமாளிக்க பாக்கிஸ்தானை தன் நண்பனாக ஏற்றுக் கொண்டது அமெரிக்கா. இந்தியாவுக்கும் பாக்கிஸ்தானுக்கும் சண்டை மூண்டபோது அமெரிக்கா பாக்கிஸ்தானுக்கு ஆதரவாக செயல்பட்டது. அப்போதைய இந்திய பிரதமர் இந்திரா கந்திக்கு இது பெரும் கோபத்தை ஏற்படுத்தியது. உடனடியாக அமெரிக்காவின் வியாபாரத்தை இந்தியாவில் தடைவிதித்தார். இதன் தொடர்ச்சியாக இந்திய கண்டத்தில் மேலும் ஒரு ராணுவ தளம் அமைக்க அமெரிக்கா இடம் தேடியது. அமெரிக்காவின் பார்வை இலங்கை மீது விழுந்தது. வடக்கே பாக்கிஸ்தானையும் தெற்கே இலங்கையையும் இந்தியாவுக்கு எதிராக அமெரிக்கா களம் சேர்த்தது.

அடுத்த வாரம் இன்னும்..........

இந்த வார மரியாதை

2009-05-29T06:43:00.000-07:00

மறைந்த முன்னால் தமிழ் வானொலி தலைவர் பாலகிருஷ்ணன் அவர்களுக்கு இந்த வார மரியாதை. அன்னாரின் குடும்பத்தார்கு மலேசிய தமிழர்கள் சார்பில் ஆழ்ந்த அனுதாபங்கள். அவரது தமிழ் பற்றும் தமிழ் சேவையும் நீடுழி வாழ்க.

இந்த வார குட்டு.

2009-05-29T06:13:00.000-07:00

இந்த வார குட்டு பி.பி.பி. கட்சியின் தலைவர் டத்தோ கேவிஎஸ்-க்கு. துணையமைச்சர் செனட்டர் முருகையாவை கட்சியில் இருந்து நீக்குவதற்கு இரண்டு காரணம் கூறியிருந்தீர்கள்.
காரணம் ஒன்று.
முருகையா பண அரசியலில் ஈடுப்பட்டார்.
காரணம் இரண்டு.
தலைவர் பதவிக்காக முருகையா சதி வேலையில் ஈடுபட்டார்.

முதல் காரணத்திற்கான கேள்வி.
உங்கள் கட்சியில் தேர்தல் என்பதே நடக்கவில்லை. பிறகு எதற்காகா அவ்ர் பண அரசியலில் ஈடுபட வேண்டும். அப்படியே பண அரசியலில் ஈடுபட்டிருந்தால், தக்க ஆதாரத்துடன் நிறுப்பித்துயிருக்க வேண்டும். அப்படி செய்ய நீங்கள் தவறி விட்டீர்கள்.

காரணம் இரண்டிற்கான கேள்வி.
ஒரு ஞனநாயக நாட்டில் உள்ள ஒரு ஞனநாயக கட்சியில் தலைவர் பதவிக்கு யார் வேண்டுமானாலும் போட்டியிடலாம். அதை எதிர்கொள்வதற்கு உங்களிடம் தைரியமும் விவேகமும் இல்லாது போனது ஏன்? உங்களுக்கும் சாமிவேலுவுக்கும் பிறகு என்ன வித்தியாசம்.

பி.கு.
மலாய் தலைவர்களுடன் பல துணிச்சலான விவாதங்கள் நடத்தியிருக்கிறீர்கள். ஆனால் முருகையா விசயத்தில் உங்கள் போக்கு கொஞ்சமும் சரியில்லை.

இந்த வார பாராட்டு

2009-05-29T05:47:00.000-07:00

கட்சி பேதம் பார்க்காமல் ஈழ தமிழர்களுக்காக ஒன்று கூடிய அனைவருக்கும் இந்த வார சிறந்த பாராட்டு. இந்திய தமிழர்கள் போல் அல்லாமல் ஒற்றுமை எனும் கவசத்துடன் மலேசிய தமிழர்கள் காலம்வென்ற சரித்திரம் பாடைக்க வேண்டும் என்பதே என் நீண்ட நாள் ஆவா. அதற்கு அடித்தளமாக பத்துமலையில் அனைத்து கட்சி உறுப்பினர்களும் ஈழ தமிழர்களுக்காக ஒன்று கூடியது மிகவும் முக்கியமான சம்பவம் என நான் கருதுகிறேன். இந்த ஒற்றுமை நீடித்து அரசாங்கத்திடம் பல சலுகைகள் தேவைகள் பெற்று உலக அரங்கில் நம் குரல் அதிகார குரலாக ஒலிக்க வேண்டும்.

இந்த வார குட்டு

2009-05-23T03:35:00.000-07:00

இந்த வாரம் மூவருக்கு அத்திரமான மூன்று குட்டுக்கள்.
குட்டு ஒன்று.
உலக தமிழினதலைவர் மு.கருணாநிதிக்கு. உங்கள் செல்வாக்கை பயன்படுத்தி, எம்.பி சீட்களை வைத்து தேவையான இலாகா,மந்திரி துறை, சொந்தபந்தங்களுக்கு பதவி கேட்டு வாங்க தெரிந்த மனிதநேயத்துக்கு, ஈழத்தில் தமிழர்களைக் கொன்று குவிக்கும் ரத்த வெறி பிசாசுகளின் காரியாங்களை நிறுத்த முடியவில்லை. தமிழ் பெண்களைச் சூரையாடி, கொன்று குவித்து, அடித்து நொறுக்கி கூத்தாடும் கொள்ளிவாய் பிசாசுகளைப் பார்த்து சிரித்து சிரிப்பொலியில் எழுதுங்கள். தமிழர் உலகம் மெச்சும்.

குட்டு இரண்டு.
இந்திய பாரத தேவி அன்னை மகாலட்சுமி சோனியாவுக்கு. உலகம் முழுவதும் தெரியும், உங்கள் உதவி இல்லாமல் அழுகிய பிணம் தின்னும் சிங்கள பேய் படைகள் இந்த அளவுக்கு அட்டகாசம் பண்ண முடியாது என்று. இரட்டை வேடம் போட்டு ஏன் பிறந்த வீட்டு பெயரை நாசம் செய்கிறீர்கள். உங்கள் மூத்தார் விமானம் வெடித்து செத்தார், மாமியார் குண்டு பட்டு மாண்டார், கணவர் குண்டு வெடித்து சிதறினார். இதற்கான காரணம் ஏன் தெரியுமா? யோசித்து பாருங்கள். இனி வரும் காலங்களில் புண்ணியம் தேடுங்கள்.

குட்டு மூன்று.
உலக நாடுகளுக்கு. தீவிரவாதத்திற்கும் சுதந்திர போரட்டத்திற்கும் வித்தியாசம் தெரியாமல் இருக்கிறீர்களே. ஒரு பிசாசு கூட்டம் ஒரு சமுதாயத்தின் மீது அட்டூழியம் செய்து வருவதைக் கண்டிக்க வக்கில்லாமல், உலக சமாதானத்தையும் மனித நேயத்தைப் பற்றியும் பேசிவருகிறீகள். எந்த உலக நாட்டுக்கும் மனித நேயத்தைப் பற்றி பேச யோக்கியதை இல்லை.

இந்த வார குட்டு

2009-05-02T18:46:00.000-07:00

ஜன சக்தி பத்திரிக்கை ஆசிரியர் திரு.தமிழ்மணியின் இல்லத்தில் சாயம் ஊற்றி நாசப் படுத்திய சம்பவம் தொடர்பில் அறிக்கைவிட்ட திரு.வேள்பாரிக்கு இந்த வார குட்டு. அரசியலில் போக வேண்டிய தூரம் அதிகம் இருக்கிறது. அரசியல் நாகரீகம் என்று ஒன்று இருக்கிறது. தமிழ் நாட்டு அரசியல்வாதிகளைப் போல் நீங்கள் பயன் படுத்தும் வார்த்தை மிக மோசமாக இருக்கிறது. நல்ல தமிழையும் அரசியல் பண்பாட்டையும் கற்றுக் கொள்ளுங்கள். உங்களுக்கும் உங்கள் தந்தைக்கும் வித்தியாசம் தெரிவாதில்லை.

இந்த வார கேள்வி

2009-04-27T04:03:00.000-07:00

நேற்றைய ஆங்கில பத்திரிக்கை ஒன்றிற்கு டத்தோ ஸ்ரீ ச.சாமிவேலு அவர்கள் வழங்கிய பேட்டியிலிருந்து சில கேள்விகள்.
1. இந்திய சமூதயத்திற்கு நான் நிறைய செய்துள்ளேன். உண்மை தெரியாதவர்கள் என்னை ஏசுகிறார்கள்.
- நீங்கள் செய்து வெற்றி அடைந்த ஒரு திட்டத்தை சொல்லுங்கள்....
1. பெட்டாலிங் ஜெயாவில் இயங்கிய வெண்டோ கல்லூரியை விற்று விட்டு, எதற்கும் பயன் படாத டேவ் கல்லூரியை கட்டியதா?
2. நட்டத்தில் ஓடிய அண்டனியன் பூக் ஷ்டோர் வாங்கி விற்றதையா?
3. பல கோடி வெள்ளியை முழுங்கிய செங்கல் தொழிற்சாலையையா..? அல்லது அந்த ஜூஷ் தொழிற்சாலையையா...?
4. ஜாலான் ஈப்போவில் வாங்கிய கட்சி நிலத்தை விற்று அதன் பணத்தில் பண்டார் உதாமாவில் நிலம் வாங்கியதையா...?

இப்படி அடுக்கிக்கொண்டே போக பல பத்து கேள்விகள் இருக்கிறது .

2. 29 ஆண்டுகள் ஓயாமல் இந்தியர்களின் நலனை மட்டுமே சிந்தித்துக் கொண்டிருந்தேன்.
* அதனால்தான் உங்களால் எதுவும் செய்ய முடியாமல் போய் விட்டதா..?

3. மக்கள் இன்னும் என் சேவை வேண்டும் என்பதால்தான் மீண்டும் 11 முறையாக என்னை தலைவராக தேர்ந்தெடுத்துள்ளார்கள்.....
* ஏந்த மக்கள்....? சரியாக பாரம் கூட பூர்த்தி செய்ய தெரியாத அந்த முட்டாள் கூட்டமா?(தலைவருக்கு மொத்தம் 115 செல்லாத வேட்பு மனு பாரங்கள் கிடைத்துள்ளது-சேய்தி)

உங்களிடம் கேட்க 100 கேள்விகளுடன் அடுத்த வாரம் வருகிறேன்.

இந்த வார வேதனை

2009-04-27T01:02:00.000-07:00

பெட்டாலிங் ஜெயாவில் ஏழு வயது சிறுவனைக் கடத்தி 1மில்லியன் பிணைப் பணம் வாங்கிய கடத்தல் குற்றசாட்டு வழக்கில் குடும்ப உறுப்பினர்கள் உட்பட 13 பேர்கள் கைதாகி விசாரணைக்கு நீதிமன்றத்திற்கு அழைத்து வரப் பட்டனர். கைக்குழந்தையுடன் இரண்டு பெண்மணிகள் கையில் விலங்கோடு படம் பிடித்து பத்திரிகையில் வெளியான புகைப்படத்தைப் பார்த்தது மிகுந்த அதிர்ச்சியும் அளவு கடந்த வேதனையும் அடந்தேன். குற்ற செயல்களில் ஈடுபடும் நபர்கள் தன்குடும்பத்தையும் ஆபத்திலும் துன்பத்திலும் மாட்டி விடுவது வேதனையை விட மிகுந்த ஆத்திரத்தையே உண்டாக்குகிறது. சரியான வழிகாட்டுதலும், சமய அறிவும்,கல்வி அறிவும் இல்லாததே இதற்கெல்லாம் அடிப்படை காரணமாக இருக்கிறது. நமது பொது இயக்கங்கள், அரசியல் கட்சிகள் தலைமைதுவ சண்டைக்கும், அரசாங்கம் தரும் சலுகைகளை அனுபவிப்பதற்கும் நேரம் போதுமானதாய் இல்லை. சமுதாய குடும்ப சிக்கல்கள், அதனால் ஏப்படும் சமூதாய சீர்கேடுகள், இது போன்ற சிக்கல்கள் ஏற்படா வண்ணம் இருக்க எதிர்கால திட்டம் இவைகளைப் பற்றி யோசிக்க எங்கே இருக்கிறது நேரம்.

இந்த வார வருத்தம்

2009-04-22T21:37:00.000-07:00

எனக்கு விபரம் தெரிந்த நாள் முதல் அடிக்கடி இந்த தமிழ் செய்தி நேர மாற்ற பிரச்சனை நடந்துக் கொண்டே இருக்கிறது. நம் நாட்டில் உள்ள எல்லா சிறிய, மிக சிறிய, பெரிய, மிக மிக பெரிய, ஏழே ஏழு உறுப்பினர்கள் கொண்ட இயக்கம்,மன்றம்,கட்சி, இன்னும் யாரெல்லாம் தலைவர்களாக இருக்கிறார்களோ, அத்துனை பேரும் அறிக்கை விட்ட பின், மலேசிய இந்தியர்களை பிரதிநிதிக்கும் ஒரே.....ஒரு கட்சியான மா.இ.கா-வில் பதவியில் உள்ள ஒரு வல்லமை படத்த தலைவர் தகவல் அமைச்சரிடம் பேசி முழுகி பிரச்சனையை தீர்த்து வைப்பார். இதில் கொடுமை என்ன என்றால், இந்த கூத்து எனக்கு 10 வயது இருக்கும் போதிலிருந்தே நடக்கிறது. இப்போது எனக்கு வயது 34. இன்று வரை நமக்கு என்ன தேவை, தேவை இல்லை என்று எடுத்து கூற, ஒரு திட்டம் தீட்ட, எதிர்கால தேவையை பூர்த்தி செய்ய இன்று உள்ள எந்த தலைவருக்கும் போதிய அறிவு, நாட்டம், சமூதாய பற்று, திறன் எதுவும் இல்லை என்பதுதான் யதார்த்த உண்மை.

இந்த வார கேள்வி

2009-01-13T04:34:00.000-08:00

தமிழ் நாடு காங்கிரஸ் தலைவர்களுக்கு இந்த வார கேள்வி ஒன்று கேட்க விரும்புகிறேன்.......

காந்தியை சுட்ட கோட்சே அவர் இனம், இந்திரா காந்தியை சுட்டு கொன்ற அந்த சீக்கியர் அவர் இனம், ராஜிவ் காந்தியை துப்பாக்கி மட்டையால் அடித்து கொலை செய்ய முயன்ற ஒரு பட்டாளத்துகாரர் அவர் இனம், இந்தியாவில் இன்று வரை தொடரும் இந்து முஸ்லீம் கலவரத்தை தொடக்கி வைத்த அலி சின்ன இவர் இனம் .. இன்னமும் இந்தியாவில்தான் இருக்கிறது. இவர்கள் மீது இல்லாத விரோதமும்,ஆத்திரமும் உங்களுக்கு ஈழ தமிழ் மக்கள் மீதும் அவர்கள் அமைதிக்காகவும் போராடிவரும் தலைவர் பிரபாகரன் மீதும் தொடர்வது உங்களுக்கு அநியாயமாக தெரியவில்லை...? அது போகட்டும்.... காந்தியை சுட்டவரும், இந்திரா காந்தியை சுட்டவரும் ஒரு இனத்தின் தியாகிகளாக போற்றி, அவர்களுக்கு விழா எடுக்கும் குறைந்த பட்ச உண்மையாவது உங்களுக்கு தெரியுமா...? உங்களின் நியாயமற்ற பேச்சுகளையும் அடாவடி போக்கையும் தமிழர்கள் மன்னித்து விடுவார்கள். அனால் காலம் மன்னிக்காது.

இந்த வார வேடிக்கை

2009-01-13T04:00:00.000-08:00

ஆதிக்க வர்கத்தினிடம் இருந்து சுதந்திரம் பெற்று தந்த காந்தி 'மகாத்மா, போரினால் மட்டுமே சுதந்திரம் பெற முடியும் என நம்பி போர் துவங்கிய சுபாஷ் 'மாவீரர்', அடிமை சங்கிலியை உடைத்து தன் மக்களை ஆட்சி அதிகாரத்தில் அமர்த்திய மண்டேலா 'போராட்டவாதி', ஹோ சி மின், மார்த்தின் லூதர் கிங்,காசா போராளிகள்,யாசர் அராபாத்,பிடல் காஸ்ட்ரோ இன்னும் கணக்கில் இல்லா பலரும் தியாகிகள்,போராட்டவாதிகள்,வீரர்கள் என கூறிக்கொள்ளும் உலக சமுதாயமே....... ஒரு இனத்தை வெரோடுவெட்டி சாய்க்கும் அராஜகத்தில்..... இளைஞர்களை சுட்டு,இளம் பெண்களை கற்ப்பழித்து, சிறியவர் பெரியார்களை கொன்று குவித்து அந்த ரத்த வாடையில் அரசாட்சி செய்யும் ஒரு அரக்கர் படைக்கு எதிராக சுதந்திர போர் செய்து வரும், ஒரு இனத்தின் அமைதி வாழ்வுக்கு போராடி வரும் தமிழ் விடுதலை புலிகளும் அதன் தலைவர் மாவீரர் பிரபாகரன் மட்டும் தீவிரவாதியா....?

குட்டு விழும் பத்து படங்கள்

2009-01-01T08:41:00.000-08:00

சுப்ரமணியபுரம்-கொருரமான வன்முறையை காட்டிய படம். கழுத்தை அறுப்பது,வெட்டி சாய்ப்பது,நண்பனை நண்பனே கொல்வது,காதலியே காதலனை காட்டி கொடுப்பது என படம் நெடுக்க நம் மனதை வன்முறைக்கு மாற்றிய படம்.
குசேலன்-ஒரு நல்ல திரைகதையை எப்படி பாழ் பண்ணலாம் என்பதற்கு இந்த படம் ஒரு உதாரணம்.
நாயகன்-கண்ணில் பூச்சி பறக்கும் படம். நாயகன் அடிக்கிறார், பறக்கிறார், ஆடுகிறார் பட்டையை கிளப்புகிறார்... ஒரு ஆங்கில படத்தின் கதையை எத்தனை முறை திருடுவார்கள் என்று தெரியவில்லை.
சுட்டபழம்- எப்படி படம் எடுத்தாலும் தமிழர்கள் பார்ப்பார்கள் என்ற தைரியமா மோகனுக்கு ...?
வாரணம் ஆயிரம்- ஐயா நீங்கள் எடுப்பது தமிழ் படம்தானே....? அதில் எந்த சந்தேகமும் உங்களுக்கு இல்லையே.......
குருவி- விஜய்யை கேட்ப்பதற்கு ஆள் இல்லை. உங்க அலப்பறை தாங்க முடியவில்லை... போதுமடா சாமி......
உளியின் ஓசை-காலத்திற்கு ஒவ்வாத படம்.... கலைஞர் ஐயா உங்களுக்கு ஏன் இந்த வீண் வேலை....? நல்ல ஆட்சி கொடுங்கள் ... நல்ல படத்தை பிறகு பார்க்கலாம்.
ஏகன்- என்னத்த சொல்ல...... தழுவல் வேலையை சரியாக செய்யுங்கள்... அந்த கால பாலாஜி படம் பாருங்கள் புரியும்......
பந்தயம்-மிஸ்டர் சந்திரசேகர்..... நீங்களுமா.....? டி.ஆர்-ரே தேவலாம் போலிருக்கு.......
தெனாவட்டு- என்ன கொடுமை சார் இது.... கிராமத்து வீரன்.... பட்டணத்து தாதா....... மோதல் ..... இன்னும் எத்தனை பேர் இந்த கதையை படமாக்க போகிறிர்கள்....

2008-இல் நான் ரசித்த பத்து படங்கள்

2009-01-01T07:43:00.000-08:00

அஞ்சாதே- நவின இலக்கியம் போல் நகரும் திரைகதை. வில்லன் தந்தை சூடு பட்டு விழும் காட்சியை கண்டு பதறும் சிறுவனின் உணர்ச்சிகள் நம் மனதை பிழிகின்றன.
தசாவதாரம்-மைக்கல் மதன காம ராஜனக்கு பிறகு ஒன்றுக்கு மேல் பட்ட கதாபாத்திரங்களை திரைகதையில் பின்னி பத்து வேடங்களில் நம்மை அசத்திய படம்.
அறை எண் 305-இல் கடவுள்-புலிகேசி அளவுக்கு நகைசுவை இல்லை என்றாலும்,நகைச்சுவை ப்ளஸ் கருத்துக்கள் என கலந்து கட்டிய படம்.
பொல்லாதவன்-ஒரு சின்ன மோட்டார் சைக்கிள் திருட்டை மையமாக கொண்டு அதனால் ஒருவன் படும் இன்னல்களை நமக்கு காட்டிய படம்.
வாழ்த்துக்கள்-பிற மொழி கலப்பு இல்லாமல் படம் முழுக்க நல்ல தமிழில் வசனம் பேசி நம் மனதை கவர்ந்த படம். சீமானுக்கு வாழ்த்துக்க்கள்.
கல்லூரி-மெல்லிய காதல்,கல்லூரி நட்பு,எளிமையான காட்சி அமைப்பு,சிறந்த இசை,அதிர்ச்சியான முடிவு...... படம் முடிந்தும் நம் மனதை விட்டு நீங்க திரைகதை. ஒரே மாதிரி பேசும் அந்த இரட்டையர் காட்சிகள் நல்ல கலகலப்பு.
நேபாளி-மூன்று கோண கதையை குழப்பாமல்,வேறு வேறு கலர் டோனில் கதை சொன்ன விதம் அருமை.
சரோஜா-திரில்லர் கதையில் கட்சிக்கு காட்சி சிரிப்பு வெடி. கதைதான் நாயகன். கதையை மட்டுமே நம்பி எடுத்த படம். ஹேண்ட்ஸ் அப் வெங்கட் பிரபு.
அலிபாபா-வெகு நாட்களுக்கு பிறகு ஒரு நல்ல சஸ்பென்ஸ் படம் பார்த்த திருப்தி. காட்சிக்கு காட்சி திருப்புமுனை.
பொம்மலாட்டம்-சிகப்புரோஜாக்கள்கேப்டன் மகள் படங்களுக்கு பிறகு பாரதிராஜா இயக்கியிருக்கும் த்ரில்லர் படம். யாரும் எதிர்பார்காத முடிவு.

இந்த வார மரியாதை

2008-12-31T22:44:00.000-08:00

உலக தமிழ் கவிதைக்கு மகாகவி பாரதியார் போல மலாயா தமிழ் கவிதை உலகிற்கு பெருமை சேர்த்த கவிஞர் காரைக்கிலார் அவர்களுக்கு இந்த வார புது வருட சிறப்பு மரியாதை. மலேசியா தமிழர் வாழ்கையை ரவிவர்மன் காமெரா போல் அழகாக படம் பிடித்தவர். கண்ணதாசனுக்கு விழா எடுக்கும் நம்மூர் தமிழ் நெஞ்சங்கள் காரைக்கிலார் அவர்களுக்கும் ஒரு விழா எடுத்தால் இன்னும் சிறப்பு.

பி.கு.

காரைக்கிலாரின் மரபு கவிதையை படித்து, எனக்குள் ஒரு தோற்றத்தை கற்பனை செய்து வைத்திருந்தேன். வெள்ளை வேட்டி சட்டையில் பிற்போக்கு வாதியாக இருப்பார் என்று நினைத்திருந்தேன். ஒரு முறை அவரை நேரில் பார்த்த போது அசந்து போனேன். அகன்ற நெற்றியும், தெளிவான பார்வையும்,ஸ்மாட்டார்ன நாகரிக உடையில் உயரிய கருத்துக்கள் பேசி என் மனதில் நீங்கா இடம் பிடித்தவர்.

இந்த வார பூசெண்டு

2008-12-31T22:30:00.000-08:00

திருமன்றில்,தமிழ் வலை பூங்க போன்ற பக்கங்களைத் தொடங்கி மலேசியா தமிழ் வலைப்பதிவாளர்களை ஆதரித்து, உலக தமிழ் இணையத்தில் மலாயா தமிழை வளர்க்கும் திரு.சுப.நற்குணன் மற்றும் திரு.சதிஷ்குமார் போன்றவர்களுக்கு இந்த வார பூசெண்டு.

இந்த வார வேடிக்கை

2008-12-24T20:18:00.000-08:00

இந்த சமுதாயத்தை கட்டி காத்து வரும் ம.இ.கா தலைவர் சாமிவேலு அவர்களின் செயல்தான் இந்த வார வேடிக்கை. சில வருடங்களுக்கு முன் இதே போல் தமிழ் பள்ளி ஆசிரியர்கள், பெற்றோர்கள், கட்சி பெருந்தகைகள் அனைவரையும் கூட்டி PWTC- யில் ஒரு பெரிய கூட்டம் போட்டார்.(அப்போது திரு.பசுபதி அவர்கள் கூட மண்டபத்துக்கு வெளியே நின்று துண்டு அறிக்கை கொடுத்துக்கொண்டுயிருந்தார்.) அக்கூட்டத்தில் ஆங்கிலத்தில் கணிதமும் அறிவியலும் சொல்லிகொடுப்பது சால சிறந்தது என முடிவு செய்யப்பட்டது. ஆனால் பாருங்கள் இப்போதும் அதே போல் ஒரு கூட்டம் போட்டு கணிதமும் அறிவியலும் தமிழில்தான் சொல்லிகொடுக்க வேண்டும் என்கிறார். என்ன கொடுமை சார் இது.....? பெரிய பெரிய மொழி அறிஞர்கள்,கல்விமான்கள் கூடி முடிவு செய்கிறார்கள், நாமும் ஆடுகள் போல் தலையாட்ட வேண்டும். பல பெற்றோர்கள் கணிதமும் அறிவியலும் ஆங்கிலத்திற்கு தயார் செய்த பிறகு இப்போது தமிழ்தான் சிறந்தது என்கிறார். மாண்புமிகு ம.இ.கா தலைவர் அவர்களே உங்கள் வேடிக்கை விளையாட்டை இந்த சமுதாயத்தின் மீதா விளையாடி பார்ப்பது. நீங்களாக கூடி ஒன்று சொல்கிறிர்கள்....பிறகு மீண்டும் கூடி அது தவறு என்கிறீர்கள். தெளிவாக இருங்கள் .... இல்லையெனில் யோக வகுப்புக்கு போங்கள்.

இந்த வார ஸ்பெஷல் குட்டு

2008-12-24T19:36:00.000-08:00

இந்த வார ஸ்பெஷல் குட்டு எனக்குதான். அதிகமான எழுத்து பிழைகளுடன் இடுகைகளை வெளியிட்டு வருவதற்கு எனக்கே இந்த வார ஸ்பெஷல் கிருஸ்துமஸ் குட்டு.

பின் குறிப்பு.....
இந்த இணைய தளமும், தமிழ் மென்பொருளும் எனக்கு மிக புதியவை. சில சமயம் நான் ஒரு வார்த்தை டைப் செய்ய வேறு ஒரு வார்த்தை வந்து விடுகிறது. ல..ழா..ந. போன்ற எழுத்து பிழைகள் அதிகமாக வந்துவிடுகிறது. என் வலைப்பதிவிற்கு வருகை தரும் அனைவரிடமும் என் மன்னிப்பை கேட்டுக்கொள்கிறேன். என் குறைகளை நீக்கிக் கொள்ள ஆவண செய்வேன். நன்றி.

இந்த வார குட்டு

2008-12-24T03:21:00.000-08:00

குட்டு ஒன்று.........................

தங்களைப் போல் கெட்டி காரர்கள் வேறு யாரும் இல்லை என்று நினைத்துக்கொண்டு மற்றவர்களை முட்டாளாக்கி கலாய்க்கும் THR ராகா கலக்கல் காலை குழுவினர்களுக்கு இந்த வார குட்டு.

குட்டு இரண்டு ............

நூறு வித ஆட்டங்களை ஆடுவதாக எண்ணி, கண்ணைக் கூசும் கலர் உடைகளுடன் கெட்ட ஆட்டம் போட்ட ஆட்டம் நூறு வகை ஆட்டக்காரர்களுக்கும், இதுபோல மகா அருமையான நிகழ்ச்சிகளை தொடர்ந்து நடத்த ஆதரவு தரும் பார்வையாளர்கள், நிகழ்ச்சி ஏற்பாட்டாளர்கள், மற்றும் ஆங்கில இசை உலக தரத்திற்கு இணையாக அறிவிப்பு செய்த பலே மன்னர்\மன்னிகளுக்கும் இந்த வார இன்னும் ஒரு குட்டு.

அலி பாபா- தமிழ் திரைப்படம்... ஒரு கண்ணோட்டம்...

2008-12-19T08:22:00.000-08:00

வெகு நாட்களுக்கு பிறகு ஒரு திருப்தியான சஸ்பென்ஸ் தமிழ் திரை படம் பார்க்க முடிந்தது. சில குறைகள் இருந்தாலும் கதை நகரும் விதம் நம்மை கவரவே செய்கிறது.
கதை- சிறு சிறு திருட்டுக்கள் செய்து வரும் திருடன் ஒருவனின் வங்கி கணக்கில் திடிரென்று என்பது லட்சம் பணம் டிபோசிட் ஆகிறது. கூடவே ஒரு கொலை நடக்கிறது. யார் அந்த கொலையை செய்தது,எதற்காக பணம் கை மாறியது என்பதுதான் கதை.
எதிர்பாராத திருப்புமுனை,சின்ன சின்ன சஸ்பென்ஸ் படத்தின் விறுவிறுப்புக்கு காரணம்.
வழக்கம் போல் பிரகாஷ் ராஜ் தன் சிறந்த நடிப்பை இதிலும் காட்டிஇருக்கிறார். திருட்டுக்கு அவர் சொல்லும் காரணம் லாஜிக்கே.
மலையாள நடிகர் பிஜி மேனன், அதிகம் பேசாமல் கண்களாலே பேசி நடித்திருக்கிறார். அவர் தோன்றும் ஒவ்வொரு காட்சியிலும் அவர்தான் கொலை செய்தவர் போல் தோன்றும்.
ராதாரவி மற்றும் திலகன் இருவரும் தங்கள் பங்கை சரியாக செய்துள்ளார்கள்.
அசிஸ்டென் கமிஷனராக வரும் அழகம் பெருமாள் இதில் மிகவும் சிறப்பாக நடித்துள்ளார்.
வி.தி.விஜயனின் எடிட்டிங் கதையை குழப்பாமல் தன் அனுபவத்தை காட்டிருக்கிறார்.
இசை வித்தியாசாகர். சன் டி.வியில் 'கிருஷ்ண கிருஷ்ண' பாடலை போட்டு பிரபலம் ஆக்கிவிட்டார்கள். பின்னணி இசையும் அவ்வளவாக பிரமாதம் என்று சொல்வதற்க்கில்லை.
நிலன் கே.சேகர் என்கிற புதுமுகம் இயக்குனர். கதை,வசனமும் இவரே. முதல் படத்திலே வெற்றி. தொடர்ந்து இவரிடம் இருந்து பல நல்ல படங்களை எதிர்பார்க்கலாம்.
இறுதியில் கொலைக்கான காரணம் கொஞ்சம் முகம் சுளிக்க வைக்கிறது.
ஒரு பத்து நிமிடம் பாத்ரூம் போய் வந்தால், கதையே புறியாமல் போய்விடும்.
ஆனலும் இரண்டு மணி நேரம் சலிக்காமல் ஒரு கதை சொன்ன இயக்குனருக்கு ஒரு சின்ன பூ செண்டு.

இந்த வார மரியாதை

2008-12-19T06:28:00.000-08:00

அமரர் சா. அ. அன்பானந்தன் அவர்களுக்கு இந்த வார மரியாதை. அன்றைய இளைஞர்களை நல் வழி படுத்தி , வாசிக்கும் பழக்கத்தை வளர்த்து நல் சிந்தனைகளை தூவியவர் அமரர் ச.அ.அன்பானந்தன். இளைஞர்கள் மட்டுமே இளைஞர்கள் அமைப்பின் தலைர்வர்காளாக இருக்க முடியும் என்று கூறி இளைஞர் வயதை கடந்ததும் பதவி விலகி ஒரு முன் உதாரணமாக இருந்தார். பொது உலகில் அவருக்கு இருந்த தொடர்பின் மூலம் நிறைய பணம் சம்பாதித்து இருக்கலாம், அனால் சுயநலன் பார்க்காமல் கண்ணியமாகவும்,நேர்மையாகவும்,பண்பாகவும் வாழ்ந்து மறைந்த அமரர் ச.அ.அன்பானந்தன் அவர்களுக்கு ஒரு மரியாதை அல்ல நூறு மரியாதை செய்யலாம்.

இந்த வார குட்டு

2008-12-15T02:00:00.000-08:00

ம.இ.கா. தலைவர் சாமிவேலு அவர்களுக்கு இந்த வார குட்டு. மந்திரி பதவியில் இருக்கும் போது பல தேவைகளை கேட்டு பெறாமல், சமுதாயத்தின் ஓட்டு மொத்த கண்டனத்துக்கு ஆளான பிறகு இப்போது 'இந்திய சமுதாயத்தின் பொருளாதார முன்னேற்றத்திற்கு அரசாங்கம் வெளிப்படையாக நடந்து கொள்ள வேண்டும்' என அறிக்கை விட்டதற்கு இந்த வார குட்டு. அறிக்கை விடுவதை முடிந்த வரை தவிர்த்து, அரசாங்கத்திடம் நமக்கு நியாயமாக கிடைக்க வேண்டிய தேவைகளை கேட்டு பெறுவதில் முனைப்பு காட்டுங்கள். இந்த சமுதாயம் தலைமுறை தாண்டியும் உங்களுக்கு கடைமை பட்டிருக்கும்.

இந்த வார வேடிக்கை

2008-12-15T01:36:00.000-08:00

ஐ.பி.எப். கட்சி மாநாடுதான் இந்த வார வேடிக்கை. கட்சி மாநாடு நடந்த ஹோட்டல் முன் கட்சியின் ஒரு பிரிவினர் நடத்திய ஆர்ப்பாட்டம் எல்லா பத்திரிக்கை, தொலைகாட்சி செய்திகளில் முதன்மை செய்தியாக வந்தது. பிற இன மக்கள் மட்டும் அல்ல நாமும்தான் அதை வேடிக்கை பார்த்தோம். ஜனநாயகத்தின் மகிமையை பேசிய அமரர் டான் ஸ்ரீ பண்டிதன், தான் இறக்கும் தருவாயில் ஜனநாயகத்திற்கு புறம்பாக கட்சியின் தலைமை பொறுப்பை தன் மனைவியிடம் ஒப்படைத்ததன் விளைவுதான் இன்று நடக்கும் எல்லா கூத்துகளுக்கும் காரணம். ஜனநாயகத்துக்கு எதிராக யார் எது செய்தாலும் விளைவு எதிர் மறையாகத்தான் இருக்கும். இது எல்லா கட்சிக்கும் பொருந்தும். ஜாக்கிரத்தை.

என்ன வென்று சொல்வது?

2008-12-13T23:44:00.000-08:00

வருடம் எனக்கு சரியாக நினைவில் இல்லை. ஆனால் இடைநிலை பள்ளி படித்துக்கொண்டு இருந்த காலம். தமிழ் எழுத்துக்கள் சீர்திருத்தம் சம்பந்தமான கூட்டம் நாடு தழுவிய நிலையில் நடந்து கொண்டிருந்தது.
தமிழ் இளைஞர் மணி மன்றம், அப்போதைய தமிழ் ஓசை பத்திரிக்கை ஆசிரியர் திரு.ஆதி குமணன் மற்றும் பல தமிழ் அறிஞர்கள் தமிழ் எழுத்து மாற்றத்தை கடுமையாக எதிர்த்தனர்.
தாமான் டத்தோ ஹோர்மட்,சன்வே பொது மண்டபம் பொது கூட்டங்களுக்கு மிகவும் புகழ் பெற்றது. சுபாங்,கம்போங் லிண்டுங்க்கான் ஏரியாவில் எந்த பொது கூட்டம் நடந்தாலும் டத்தோ ஹோர்மாட் பொது மண்டபத்தில்தான் நடக்கும்.
தமிழ் இளைஞர் மணி மன்றம் சார்பாக, தமிழ் எழுத்து சீர்திருத்தம் எதிர்ப்பு கூட்டம் அங்கு நடந்தது. அங்கு பேசிய அனைவரும் தமிழ் எழுத்து சீர்திருத்தம் கூடாது என்று பேசினார்கள்.
மணி மன்றம் சார்பில் பேசிய ஒருவர்(திரு.விஜயன் என்று நினைக்கிறேன்.) 'கணினிக்கு ஒத்து வரவில்லை என்றால் கணினியை தூக்கி வீசு, தமிழ் மொழியை மாசு படுத்தாதே' என்று ஆவேசமாக பேசினார்.
திரு.ஆதி குமணன் தொடர்ந்து தமது பத்திரிக்கையில் தமிழ் எழுத்து சீர்திருத்தத்தை கடுமையாக எதிர்த்து எழுதி வந்தார்.
அனால் இதை எல்லாம் மீறி இன்று உலக அளவில் தமிழ் எழுத்து சீர்திருத்தத்தை ஏற்று கொண்டாகி விட்டது.
கால போக்கில் தமிழ் இளைஞர் மணி மன்றமும் சரி, திரு.ஆதி குமணனும் சரி தமிழ் எழுத்து சீர்திருத்ததை ஏற்று கொண்டு விட்டார்கள்.
இதில் எனக்கு ஒரு கேள்வி உண்டு. ஒரு கால் தமிழ் இளைஞர் மணி மன்றம், திரு.ஆதி குமணன் போன்றோர்களின் கருத்துக்களை கேட்டு தமிழ் எழுத்து சீர்திருத்ததை அமல் படுத்திஇராமல் இருந்தால், தமிழ் மொழியின் வளர்ச்சி பாதிக்க பட்டிருக்காதா? உலகமே கணினி மயமாகி வரும் வேலையில் நாம் பின் தங்கி இருக்கமாட்டோமா?
'லை' போன்ற எழுத்து வடிவம் ஆதிகாலத்தில் வழக்கில் உள்ள ஒன்று தானே? பிறகு எப்படி இது தமிழ் எழுத்து மாற்றம் ஆகும்.
இதில் நான் கற்று கொண்ட பாடம் என்னவெனில், எதையும் தீர ஆராய்ந்து, அதன் பலா பலன்கள் தெரிந்து அதன் பின்பே எதையும் எதிர்ப்பதா அல்லது ஆதரிப்பதா என்று முடிவு செய்ய வேண்டும். கண்மூடி தனமாக எதையும் எதிர்க்க கூடாது.

இந்த வார மரியாதை.

2008-12-08T04:43:00.000-08:00

அமரர் வி.டேவிட் அவர்களுக்கு இந்த வார மரியாதை. ஆளும் கட்சியில் இணைந்தால் மந்திரி பதவி கிடைக்கும் என்று ரகசிய பேட்சு வார்த்தை நடந்தும், அரசியல் போர்வையில் பணம் சம்பாதிக்க ஆயிரம் வழிகள் இருந்தும், கடைசி வரை தொழிலாளர் கட்சிக்காகவும், சிறந்த எதிர் கட்சி தலைவராகவும் வாழ்ந்து மறைந்த மக்கள் தொண்டர் டாக்டர் வி.டேவிட் அவர்களுக்கு இந்த வார சிறந்த மரியாதை.

இந்த வார வருத்தம்

2008-12-08T04:32:00.000-08:00

ஜோகூர் அருகே நடந்த பெருஞ்சாலை பஸ் விபத்து மிகுந்த வருத்தத்தை கொடுக்கிறது. பெரு நாட்களின் போது தொடர்ந்து இது போல பஸ் விபத்துக்கள் நடப்பதும் அதனால் ஏற்படும் உயிர் இழப்பும் மிக பெரிய வருத்தமாக இருக்கிறது. சாலை போக்குவரத்து கழகமும், போலிஸ் துறையும் உடனடியாக இது போன்ற இழப்புகள் ஏற்படமால் இருக்க ஆவண செய்ய வேண்டும். தவறினால் இந்த இரு துறைக்கும் இரண்டு பலமான குட்டு வழங்கப்படும்.

இந்த வார குட்டு

2008-12-08T04:18:00.000-08:00

தொடர்ந்து பல முறை மண் சரிவு ஏற்பட்டு, அதனால் உயிர், உயிர் அல்லாத சேதம் ஏற்பட்டும் சரியான பாதுகாப்பு நடவடிக்கை, நில ஆய்வு மேற்கொள்ளாமல் காலம் கடத்திய ஊராட்சித்துரை, நில ஆய்வு கழகம், மாநில அரசு ஆகிய மூன்றுக்கும் பலமான குட்டு.

தமிழ் நாளிதல்கள் அடிக்கும் கோமாளி கூத்து

2008-12-03T20:48:00.000-08:00

ஒரே மொழி பள்ளி முறையை நாட்டில் கொண்டு வர வேண்டும் என்று அம்னோ இளைஞர் தலைவர் பதவிக்கு போட்டியிடும் டத்தோ முக்ரிஸ் மகாதீர் கூறிய பரிந்துரைக்கு எதிர்ப்பு தெரிவிக்கும் தமிழ் மொழி பற்றாளர்கள் கருத்துகளை வெளியிட்டு இரண்டு நாட்களாக தமிழ் நாளில்தல்கள் அடிக்கும் கூத்து தாங்கமுடியவில்லை. தமிழ் பள்ளிகளை மூடிவிடுவதே சரி என்பது என் கருத்து. ஏன் தமிழ் பள்ளிகளை மூடி விடவேண்டும்? பல காரணங்கள் சொல்கிறேன்..........

நூறுக்கு தொண்ணுற்று ஒன்பது தமிழ் பள்ளி ஆசிரியர்கள் தங்கள் குழந்தைகளை மலாய் பள்ளிக்கு அனுப்புகிறார்கள். குறிப்பாக தமிழ் பள்ளி தலைமை ஆசிரியர்கள். மேடை, வானொலி, தொலைக்காட்சி-யில் பேசும் தமிழ் மொழி அறிஞர்கள் பலர் தங்கள் குழந்தைகளை மலாய் பள்ளிக்கு ஆணுப்பியவர்கள். இன்று தமிழ் நாளிதல்களில் கண்டன அறிக்கை விடும் பல தலைவர்கள் தங்கள் குழந்தைகளை மலாய் மொழி பள்ளிக்கு அனுப்பியவர்கள். மலேசியாவில் இந்திய ஆய்வியல் துறை உள்ள ஒரே பல்கலைகழகம் என்று பீத்தி கொள்ளும் பல்கலைகழக விரயுரையளர்கள், பேராசிரியர்கள் தங்கள் குழந்தைகளை எந்த பள்ளிக்கு அனுப்பினார்கள் என்று கேளுங்கள். தமிழ் மொழியை வளர்க்க வேண்டிய கடமை உள்ள அரசியல் கட்சி தலைவர்கள், தமிழ் இளைஞர் மன்ற தலைவர்கள், இந்து சங்க தலைவர்கள் தங்கள் குழந்தைகளை எந்த பள்ளிக்கு அனுப்பினார்கள் என்று கேளுங்கள். தமிழ் பள்ளிகள் மீது இவர்களுக்கு நம்பிக்கை இல்லாத போது நம் நாட்டில் ஏன் தமிழ் பள்ளிகள் வேண்டும். எனக்கு தெரிந்த வரை சாமிவேலு மற்றும் சரவணன் தவிர பெரும்பாலான தலைவர்கள் (சுப்ர, பண்டிதன், palanivelu, டிஏபி, பிபிபி, கெரக்கான், கேஅடிலன் தலைவர்கள் உட்பட) மற்றும் பலர்தங்கள் பிள்ளைகளை மலாய் பள்ளிக்கு அனுப்பியவர்கள்.

தமிழ் மொழி வளர தமிழ் பள்ளிகள் மட்டும் போதும் என்பது ஒரு மூட நம்பிக்கை. அமரர் அன்பானந்தன் அவர்கள் காலத்தில் வாசிக்கும் பழக்கத்தை பெரும் அளவில் இளைஞர்களிடையே ஊக்குவித்து வந்தார். அன்று பலர் நாவல்கள், சிறுகதைகள், கவிதைகள் படிக்கும் எழுதும் திறமை கொண்டவர்களாக இருந்தனர். இன்று வாசிக்கும் பழக்கத்தை வளர்க்க எந்த இயக்கமும், கட்சியும், சங்கமும் தயாராக இல்லை என்பதுதான் உண்மை. இன்றைய தலைவர்களுக்கு தேவை, எப்படி பணம் பண்ணுவது, இளைஞர்களை வைத்து எப்படி அரசியல் பண்ணுவது. அன்று பெரும்பாலனவர்கள் வீட்டில் கல்கண்டு, விகடன், குமுதம், மாத நாவல்கள் என்று படிப்பதற்கு இருக்கும். வாரம் அல்லது மாத தமிழ் இலக்கிய கூட்டங்கள், கலந்துரையாடல் நடக்கும். மொழி வளர்க்க பெரும் முயற்சிகள் நடக்கும். அனால் இன்று மொழி வளர்பதற்கு தலைவர்கள், இயக்கங்கள் போதுமான முயற்சிகள் செய்வதில்லை. அழகு ராணி, வேட்டி ராஜா, சினிமா பாடல் போட்டி போன்றவையே இன்றைய கலாசாரமாக போய் கொண்டிருக்கிறது. மொழி அறிவு வளராத எந்த சமூகமும் உருபடாது என்பது அறிந்தும் மொழி வளர்க்க வேண்டிய கடமையில் உள்ளவர்கள் கடமை செய்யாமல் இருபது மகா கேவலம். போதாத குறைக்கு சிவாஜி திரைப்பட பிரிவியு ஷோ காண்பதற்கு முதல் ஆளாக செல்வார்கள் அல்லது துணிகடை, சாப்பாட்டு கடை திறப்பு விழாவுக்கு செல்வார்கள். அண்மையில் மக்கள் தலைவர் ஒருவர் பி ஜெ-யில் பாப் திறப்பு விழாவுக்கு தலைமை தாங்கினார் என்றால் பார்த்து கொள்ளுங்களேன். எப்படி மோசமான சமுதாயதிற்கு ஏன் தமிழ் பள்ளி வேண்டும்.

இன்று பி.எம்.ஆர், எஸ்.பி.எம், எஸ்.தி.பி.எம் எழுதும் மாணவர்களுக்கு சந்தையில் தமிழ் மொழி தேர்வு வழி காட்டி நூல் கிடையாது. எப்போதாவது பட்டத்துக்கு பிந்திய ஆசிரியர்கள் பயிற்சி மாணவர்கள் சில தேர்வு வழி காட்டி நூல்கள் எழுதுவார்கள். அதும் எல்லா மாணவர்களுக்கும் கிடைக்காது. இந்த எஸ்.தி.பி.எம். பரிட்சைக்கு தமிழ் எடுக்கும் மாணவர்கள் கதி அதோ கதிதான். ஒரே ஒரு தமிழ் கோவை இருக்கும். அதுவும் மீசியும்மில் உள்ளது போல யார் கையிலாவது இருக்கும். அதை வாங்குவதற்குள் பரிட்சையே முடிந்துவிடும். இதில் வேடிக்கை என்ன வென்றால் என்ன படிக்க வேண்டும் என்றே பல மாணவர்களுக்கு தெரியாது. எஸ்.தி.பி.எம்.-க்கு டேக்ஸ் புத்தகமும் கிடையாது. அனால் தமிழ் படி, தமிழ் படி என்பார்கள். இன்று வரை எந்த அரசியல் கட்சியாவது, தமிழ் இயக்கமாவது தமிழ் தேர்வு வழி காட்டி நூல் எல்லா தமிழ் எழுதும் மாணவர்களுக்கு கிடைக்கும் வகை பற்றி அக்கறை உள்ளதா? பல மாணவர்கள் தமிழ் பரிட்சை எழுதாதற்கு காரணம், என்ன படிக்க வேண்டும் என்று தெரியாததே.... இந்த சிக்கலை போக்குவதற்கு எந்த தலைவராவது பேசி இருப்பாரா? தமிழ் பரிட்சை எழுதும் மாணவர்களுக்கு சிக்கல்கள் பல உள்ள போது ஏன் நமக்கு தமிழ் பள்ளிகள் ?

என் உறவினர் ஒருவருக்கு ஐந்து பெண் பிள்ளைகள். அனைவரையும் மலாய் மொழி பள்ளிக்கு அனுப்பினார். காரணம் கேட்டபோது , அவர் பிள்ளைகளை டாக்டர் ஆக்க வேண்டும், என்ஜிநீர் ஆக்க வேண்டும் என்றார். நான், ஏன் தமிழ் பள்ளிக்கு அனுப்பினால் மகள்கள் டாக்டர், எஞ்சினியர் ஆகாதா என்று கேட்டேன். அதற்க்கு அவர், உங்கள் பிள்ளைகளை எந்த பள்ளியில் வேண்டுமானாலும் படிக்க வையுங்கள், என் பிள்ளைகளை எப்படி வளர்க்க வேண்டும் என்று எனக்கு தெரியும் என்றார். தமிழ் பள்ளியில் படித்தால் தங்கள் பிள்ளைகள் முட்டாள் ஆகி போகும் என்று கருதும் மானங்கெட்ட இந்த சமுதாயத்திற்கு ஏன் தமிழ் பள்ளி வேண்டும்.

நம் குறைகளை முதலில் களைய முற்படுவோம். பிறகு சண்டைக்கு தயார் ஆவோம். கத்தி இல்லாமல் போருக்கு சென்று பயன் இல்லை.

இந்த வார வேடிக்கை

2008-12-03T07:42:00.000-08:00

'மைக்கா ஹோல்டிங்க்ஸ் -க்கு சொந்தமான காப்புறுதி நிறுவனத்தை விற்பதால் நன்மை என்றால், நேசா ஒரு போதும் அதற்கு தடையாக இருக்காது.'

மக்கள் தலைவர் டத்தோ. எஸ் . சுப்ரமணியம்.

அமரர் கல்கி

2008-11-26T22:41:00.000-08:00

வணக்கம்.

புதுக்கவிதைக்கு பாரதியார் முன்னோடி என்பது போல் தமிழ் நாவல் உலகிற்கு அமரர் கல்கி கிருஷ்ணமூர்த்தி முன்னோடி என்று துணிந்து கூறலாம். செய்யுள் மற்றும் பாடல் வடிவத்தில் நம் இலக்கியங்கள் செயல் பட்டு வந்த காலத்தில் நாவல் முறையில் கதை சொல்லும் வடிவை தமிழ் உலகிற்கு அறிமுக படுத்தியதில் அமரர் கல்கிக்கு பெரும் பங்கு உண்டு. சரிந்திர நாவல் எழுதி பெரும் புகழ் பெற்றவர்கள் அக்காலத்தில் இருவர். அவர்கள் கல்கி கிருஷ்ணமூர்த்தி மற்றும் சாண்டில்யன் ஆவார். கல்கி எழுதிய 'பார்த்திபன் கனவு,சிவகாமியின் சபதம், பொன்னியின் செல்வன் போன்றவை காலத்தால் அழியாதவை. சில வருடங்களுக்கு முன் 'கணையாழி' பத்திரிகை நடத்திய ஆய்வில் ஒருவர் கூட கல்கி அவர்களை சிறந்த எழுத்தாளராக தேர்வு செய்யவில்லை. இதற்கான காரணத்தை யாராலும் சரியாக சொல்ல முடியவில்லை. ஆனால் இன்று வரை கல்கியின் புத்தகங்களுக்கு புது புது வாசகர்கள் கிடைத்துக்கொண்டே இருக்கிறார்கள். இன்று பெரும் எழுத்தாளர்களாக தங்களை கூறி கொள்ளும் எல்லோரும் கல்கி கதைகளில் தங்கள் வாசிப்பை தொடங்கிஇருப்பார்கள். இருந்தும் ஏனோ கல்கி கதைகளை சற்று தள்ளி வைத்துருப்பார்கள். ஏன் அவர் அதிகமான சமஸ்கிருத வார்த்தைகளை தன் கதைகளில் பயன் படுத்திய காரணமா? அல்ல சரித்திரங்களை தன் கதை கருவாக எடுத்து கொண்ட காரணமா? எது எப்படி இருப்பினும் கல்கி கதை மாந்தர்கள் நம் மனதை விட்டு நீண்ட காலம் அகலாமல் இருப்பார். இன்று நம்மிடையே வாசிப்பு பழக்கம் குறைத்து வருகிறது என்பதை நினைக்கும் போது மனம் பதற்றம் அடைகிறது. உங்கள் வாசிப்பு பழக்கத்தை வளர்த்து கொள்ள கல்கி அவர்களின் சரித்திர நாவல்கள் பெரிதும் துணை புரியும். 'பார்த்திபன் கனவு, சிவகாமியின் சபதம், பொன்னியின் செல்வன் போன்ற நாவல்களை ஒரு முறை படித்து பாருங்கள். அமரர் கல்கியில் கதை சொல்லும் சூட்சம பாணி உங்களுக்கு புரியும்.

2008-11-26T19:13:00.000-08:00

இந்த வார கேள்வி

2008-11-26T03:18:00.000-08:00

இந்த வார கேள்வி .............

அமரர் ஆன Tan Sri பண்டிதனிடம் .......,
'யாருக்காக கட்சி தொடங்கிநிர்கள் .....? உங்கள் கொள்கை என்ன ...? உங்கள் கட்சியின் சாதனை என்ன....? கட்சியில் மூத்தவர்கள் பலர் உள்ளபோது, குடும்ப சொத்து போல் கட்சியின் தலைவர் பதவியை மனைவிக்கு கொடுத்தது ஏன்...? சாமிவேலுவை போல் நீங்களும் உங்கள் கட்சிக்கு அடுத்த கட்ட தலைவரை வளர்க்காமல் போனது ஏன்.....?

2008-11-26T01:15:00.000-08:00

இன்று கோவில்கள் வியாபார கடைகளாக உரு மாறி வருகின்றன . குறைந்த பட்சம் 50 ரிங்கிட் இல்லாமல் கோவிலுக்கு செல்வது முடியாத காரியம். அர்ச்சனை சீட்டு 2 வெள்ளி , அர்ச்சகருக்கு தட்டில் 5 வெள்ளி போட வேண்டும், அடுத்து அர்ச்சகர் சொல்வார் 'சாமிக்கு மாலை வாங்கி போடுங்கோ ,' என்பார். மாலையின் விலை 30 வெள்ளி என்பார், இதோடு முடிந்தது என்று நினைபிர்கள் ... சுக்க்ரன்னுக்கு நெய் விளக்கு போடுங்கள் என்பார், விலையோ 10 வெள்ளி, சரி கிளம்பலாம் என்றால் சூடம் கொளுத்த மறந்து இருபிர்கள் , சூடம் விலை 6 என்பார் ஒரு பெட்டி. மீதம் இருக்கும் சில்லறையை அள்ளி உண்டியலில் போட்டு விட்டு வர வேண்டியதுதான்.

2008-11-26T01:11:00.000-08:00

டீ அருந்தும் நேரம் ............

2008-11-26T01:08:00.001-08:00